U Kijevie źjavicca ID-kartka dla turystaŭ Kyiv Pass
U žniŭni ŭ Kijevie pastupić u prodaž turystyčnaja ID-kartka Kyiv Pass, jakaja dziejničaje dla ŭsich haściej stalicy i ŭtrymlivaje bazu danych łakacyj, muziejaŭ, ekskursij, elektronny transpartny bilet, vyhadnyja prapanovy i źnižki. Pra heta raspavioŭ kiraŭnik upraŭleńnia turyzmu Kijeŭskaj haradskoj dziaržaŭnaj administracyi Anton Taranienka padčas pres-kanfierencyi, paviedamlaje Ukrinform.
«Analityčnyja danyja dali nam zrazumieć, što kartka pavinna być u Kijevie. My pavinny jaje ŭkaranić, i jana budzie papularnaj», — adznačyŭ Anton Taranienka.
Kartka Kyiv Pass dazvolić turystu naviedać 20 kijeŭskich muziejaŭ, 2 ahladnyja ekskursii, 8 halerej i kijeŭski zaapark adzin raz. U bližejšy čas u Kyiv Pass budzie ŭklučanaja abmiežavanaja kolkaść pajezdak u staličnym mietrapalitenie. Taksama ŭładalnikam kartak buduć pradastaŭlacca źnižki va ŭstanovach charčavańnia i na roznyja zabaŭlalnyja mierapryjemstvy i ekskursii.
Isnujuć try typy kartak: na 24 hadziny, 48 hadzin i na 72 hadziny. Dziejničać kartka pačynaje z momantu jaje aktyvacyi pry vykarystańni pieršaj pasłuhi. Raspaŭsiudžvać Kyiv Pass buduć u aeraportach, haścinicach i turystyčnych infacentrach.
