U ZŠA zabaranili technałohiju «dziaciej ad troch baćkoŭ»
KTSDESIGN/Science Photo Library
Amierykanskija ŭłady zapatrabavali ad lekara, jaki prasłaviŭsia dziakujučy apieracyi pa naradžeńni «dziciaci ad troch baćkoŭ», spynić rekłamavać užytuju im technałohiju. Pryčyna hetaha ŭ tym, što pakul nie atrymana dastatkovych paćvierdžańniaŭ biaśpieki pracedury, piša The Verge.
Pieršaje «dzicia ad troch baćkoŭ» (jakoje raźviłasia ź jajcakletki donara, u jakuju było pierasadžana jadro jajcakletki maci) naradziłasia ŭ Mieksicy ŭ krasaviku 2016 hoda.
Takim čynam, donar nosić hienietyčny materyjał dvuch ludziej (maci i baćki budučaha dziciaci), a sam źjaŭlajecca trecim.
U suviazi z tym, što z momantu naradžeńnia prajšło jašče vielmi mała času, a baćki dziciaci abmiažoŭvajuć praviadzieńnie analizaŭ i testaŭ miedycynskaj nieabchodnaściu, technałohija nie pryznanaja biaśpiečnaj i zabaronienaja ŭ bolšaści krain śvietu.
Niahledziačy na heta, paviedamlajecca ab paŭtareńni apieracyj u Kitai i Ukrainie.
Taki składany mietad apładnieńnia ŭžyvajecca ŭ vypadku hienietyčnych zachvorvańniaŭ maci, naprykład, sindroma Leja (zachvorvańnie, jakoje charaktaryzujecca parušeńniem funkcyjanavańnia centralnaj niervovaj sistemy i mozhu). Pry pierasadcy jadra jajcakletki možna paźbiehnuć šmat jakich zachvorvańniaŭ.
Čytajcie taksama: