Dziaŭčyna ź biełaruskaha śpiecnaza stała najlepšaj aŭtamatčycaj spabornictvaŭ «Vajar Sadružnaści»
Vajennasłužačaja sił śpiecyjalnych apieracyj, jafrejtar kantraktnaj słužby Hanna Kavaleŭskaja zaniała pieršaje miesca ŭ etapie pa ahniavoj padrychtoŭcy «Snajpier» u miežach konkursu «Vajar Sadružnaści», paviedamlaje pres-słužba Minabarony.
Hanna Kavaleŭskaja.
Udzielniki konkursu zrabili pa piać strełaŭ z aŭtamata AK-74 stojačy, z kalena i ležačy.
Pa vynikach siarod žančyn pryzavyja miescy raźmierkavalisia nastupnym čynam: Pieršaje miesca - u Hanny Kavaleŭskaj, druhoje - u małodšaha siaržanta kantraktnaj słužby Ludmiły Hubaravaj z Kazachstana, treciaje - u małodšaha siaržanta kantraktnaj słužby Lilii Dautavaj z Rasii.
Spabornictvy prajšli na palihonie 120-j asobnaj hvardziejskaj miechanizavanaj bryhady Paŭnočna-zachodniaha apieratyŭnaha kamandavańnia. U ich brali ŭdzieł čatyry kamandy, jakija pradstaŭlajuć Uzbrojenyja siły Biełarusi, Armienii, Kazachstana i Rasii
