Jak budzie vyhladać pomnik Skarynu ŭ Kišyniovie FOTA
Jak paviedamlałasia, u konkursie na najlepšy eskiz pomnika Francysku Skarynu ŭ Kišyniovie pieramoh skulptar Henik Łojka. Pomnik budzie ŭstalavany ŭ listapadzie hetaha hoda. Skulptar užo pracuje nad madellu ŭ naturalnuju vieličyniu, pomnik adlijuć na skulpturnym kambinacie Biełaruskaha sajuza mastakoŭ. Skulptura vyšynioj amal 1 m budzie ŭstalavanaja na pastamiencie, jaki zrobiać u Kišyniovie. Ahulnaja vyšynia pomnika składzie krychu bolš za 2,5 m.
Pa rašeńni ŭrada Małdovy i meryi municypija Kišynioŭ, pomnik Skarynu budzie ŭstalavany ŭ centry małdaŭskaj stalicy - u skviery na skryžavańni vuł. Alaksieja Maciejeviča i Mitrapalita Haŭryiła Benulesku-Badoni, nasuprać pasolstva Biełarusi ŭ Małdovie. Vydatki na raspracoŭku i ŭstalavańnie pastamienta i biusta buduć kampiensavanyja za košt Biełarusi i sponsarskaj dapamohi.
