Skulptar Henik Łojka pieramoh u konkursie prajektaŭ pomnika Skarynu ŭ Kišyniovie
Pieramožcam konkursu eskiznych prajektaŭ pomnika-biusta Francišku Skarynu ŭ małdaŭskaj stalicy Kišyniovie staŭ mienski skulptar Henik Łojka, paviedamlaje radyjo «Svaboda».
Jahonuju zajaŭku prafesijnaje žury pryznała najlepšaj z 9 pretendentaŭ.
Konkurs u traŭni abviaściła Ministerstva kultury Biełarusi, jahonaj metaj jość uvasableńnie najbolš vyraznaha vobrazu biełaruskaha pieršadrukara.
Zhodna z patrabavańniami arhanizataraŭ, kampazycyjnaje i plastyčnaje vykanańnie pavinna być vykananaje ŭ najlepšych tradycyjach klasyčnaha i nacyjanalnaha manumentalnaha mastactva.
Ad pačatku na pracu (z ulikam vykarystanaha materyjału) praduhledžvałasia patracić nia bolej za 150 tysiač rubloŭ. Adnak u pracesie suma była źmienšanaja ŭ 10 razoŭ.
Pavodle Henika Łojki, pomnik budzie ŭstanoŭleny ŭžo sioleta ŭvosień u skvery nasuprać budynka ambasady Biełarusi ŭ Małdovie.
