Ukrainskija pradukty vydajuć za biełaruskija FOTY
Pa ŭsim vidać, što va ŭkraincaŭ biełaruskija pradukty ŭ pašanie. Na ŭpakoŭkach nie tolki jość biełaruskaja mova, joj advodzicca ci nie samaje zaŭvažnaje miesca.
Idzie ŭ chod i bolš ciažkaja artyleryja nakštałt nazvaŭ brendaŭ z akcentam na biełaruskaść: «Biełaruskija nacyjanalnyja tradycyi», «Minskaje Žyhuloŭskaje» ci «Dźviery Biełarusi».
Na cikavuju tendencyju źviarnuła ŭvahu Iryna Čarniaŭka i vykłała zdymki ŭ internet z prypiskaj «pałymianyja pryvitańni Savuškavamu». Kampanija tak i nie dadała na ŭpakoŭku biełaruskuju movu, niahledziačy na šmatlikija prośby i prapanovy dapamahčy ŭ hetym.
Voś hety majanez, naprykład, vyrableny va ŭkrainskim Zaparožžy.
Anałahična z «Vietračkom» i «Minskim Žyhuloŭskim».
Vyrablena va Ukrainie i maroziva «Biełaja biaroza». Vytvorcy tłumačać svaju prychilnaść da Biełarusi biełaruskimi karaniami.
«Abajańnie Biełarusi — u miakkich pieralivach ranišniaha nieba nad razmytaj linijaj haryzontu, u apjanialnym pavietry biaźmiežnaha sasnovaha lesu, u šepcie biarozavych hajoŭ, što zakałychvajuć, u kryku žuraŭloŭ, jaki manić, u pachu syradoju…» — apisvajuć krainu na sajcie praduktu.
Ukrainskaja firma «Dźviery Biełarusi» vykarystoŭvaje ŭ jakaści simvała vyjavu zubra.