Dvuchtonnaja miesiac-ryba, jakaja chavałasia na praciahu 130 hadoŭ ad vačej čałaviectva, narešcie znojdzienaja
Jaje vysačyła aśpirantka Marjana Najhard z aŭstralijskaha Univiersiteta Merdaka.
Miesiac-rybu (łac. Mola) šukali čatyry hady, na praciahu jakich Marjana źbirała ŭzory miesiac-ryb z roznych častak Ziamli. U vyniku jana praanalizavała 150 uzoraŭ DNK, kab vyłučyć čatyry vidy, jakija ŭvachodziać u rod Mola.
Try ź ich — Masturus lanceolatus, Mola mola i Mola ramsayi — byli viadomyja navukoŭcam raniej, a čaćviorty vid akazaŭsia novym. Jon atrymaŭ nazvu Mola tecta. Hety vid ryb sustrakajecca va ŭmieranych i ciopłych vodach pa ŭsim śviecie: ad Isłandyi da paŭdniovych astravoŭ Vialikaje Kurylskaje hrady.
Jaje ścisnutaje z bakoŭ cieła nahadvaje dysk; śpinny i analny płaŭniki nie majuć kalučak; chvastavy płaŭnik zhubleny — zamiest jaho raźvita skurnaja zmorščyna, a sama skura pakryta drobnymi kaścianymi buharkami.
Marjana tłumačyć, što miesiac-ryby vielizarnyja, płavajuć u hłybiniach u adzinoctvie i praktyčna niaŭłoŭnyja, pakolki žyvuć u tych častkach akijana, kudy ludzi nie dabirajucca. Mola apuskajecca na sotni mietraŭ, kab karmicca, a zatym nienadoŭha źjaŭlajecca na pavierchni, kab pahrecca ŭ promniach sonca. Adsiul u anhlijskaj movie paŭstała ich nazva «sonca-ryba».
Mola — samaja ciažkaja kaściovaja ryba ŭ śviecie. Najbujniejšyja asobiny mohuć dasiahać 4 m u daŭžyniu i vahi 2270 kh, pieradaje The Daily Mail.
