Rekord uziaty: polskija mytniki zatrymali biełarusa z aŭtobusam cyharet
Supracoŭniki mytni vyjavili 18,5 tysiačy pačak cyharet, schavanych u pieraroblenym mikraaŭtobusie, jakim kiravaŭ 50-hadovy biełarus. Aŭtamabil pierasiakaŭ miažu ŭ punkcie propusku «Kuźnica», paviedamlajecca na sajcie padatkovaj słužby ŭ Biełastoku.
Fota: podlaskie.kas.gov.pl
Supracoŭniki mytni ahledzieli mikraaŭtobus, akazałasia, što mašyna była śpiecyjalna pieraroblena pad pravoz kantrabandy. Cyharety byli schavanyja ŭ bakavych ścienkach, padłozie i stoli aŭtamabila.
Tytuniovyja vyraby byli ź biełaruskimi akcyzami. Heta samaja vialikaja kantrabanda, vyjaŭlenaja polskimi mytniki z pačatku hoda. Košt cyharet aceńvajecca ŭ 250 tysiač złotych (prykładna $70 tys).
Fota: podlaskie.kas.gov.pl
U dačynieńni da kiroŭcy raspačataja pravierka, cyharety i aŭtamabil kanfiskavanyja. Biełarusu pahražaje sud i vialiki štraf.
