Vinšujem, Finlandyja!
2017 hod — jubilejny hod dla Finlandyi, jakaja viadoma va ŭsim śviecie svaim vysokim uzroŭniem žyćcia, raźvitaj pramysłovaściu, sistemaj adukacyi i spakojnym mientalitetam svaich žycharoŭ. Ale što jašče my viedajem pra jaje? Stahodździe niezaležnaści Finlandyi, jakoje budzie śviatkavacca i ŭ Biełarusi, — šykoŭnaja nahoda paznajomicca ź finskaj kulturaj bližej.
Fantastyčnyja piejzažy finskaj Łapłandyi, saŭna, maržavańnie, paŭnočnaje źziańnie, śniežnyja krepaści, chakiej, samabytnaja paŭnočnaja kuchnia, Santa Kłaŭs / Joŭłupuki — jubilejnyja śviatkavańni buduć kranacca tych tem, ź jakimi Finlandyja asacyjujecca va ŭsim śviecie.
U honar śviatkavańnia niezaležnaści Finlandyi Adździaleńnie Pasolstva Finlandyi ŭ Respublicy Biełaruś abjaŭlaje konkurs na najlepšaje videa «Vinšujem, Finlandyja!». Daŭžynia videavinšavańnia pavinna składać ad 10 da 30 siekund. Pieravaha budzie addavacca aryhinalnym i kreatyŭnym rolikam. Mova vinšavańnia ŭ videa — pažadana anhlijskaja, finskaja, švieckaja, biełaruskaja ci ruskaja.
Apošni termin dla padačy videa — 20 lipienia 2017 hoda. Adpraŭlać videafajły možna praz WeTransfer na adras elektronnaj pošty: [email protected]. Nie zabudźciesia dadać svaje kantaktnyja dadzienaja dla zvarotnaj suviazi.
Pieramožca konkursu atrymaje tur na dvaich u Finlandyju z pražyvańniem u hateli Scandic Grand Marina i pajezdkaj na paromie pa maršrucie Talin-Chielsinki ad finskaj krejsiernaj kampanii Viking Line. Pieralot zabiaśpiečyć kampanija AirBaltic. 10 lepšych videa buduć taksama ŭznaharodžany padarunkami i suvienirami, pradastaŭlenymi Adździaleńniem pasolstva Finlandyi ŭ Biełarusi. Uznaharodžańnie pieramožcaŭ i demanstracyja lepšych rolikaŭ budzie arhanizavanaja na Fiestyvali finskaha tanha ŭ Minsku, jaki adbudziecca na placoŭcy Vierchniaha horada kala haradskoj Ratušy 29 lipienia ŭ 13.00.
Chedłajnierami fiestyvalu vystupiać papularnyja finskija artysty — śpiavak, karol finskaha tanha Teemu Rojvanien, a taksama tancory finskaha tanha Chana Ajanacho i Vile Imonien i fokuśnik-iluzijanist Joni Pakanien. Da finskich artystaŭ dałučacca biełaruskija kalehi. Sa stahadovym jubilejem niezaležnaści Finlandyju pavinšuje Hieorhij Kałdun, hurt Litesound, muzykalny prajekt BonVoyage, arkiestr Alimpija Kłasika i inšyja vykanaŭcy i vysokija hości fiestyvalu.
Za cikavostki i zabaŭki dla haściej fiestyvalu buduć adkazvać sponsary i patrniory: finskija kampanii Wärtsilä, Sibylla, Valio, SetCleanTech, Fortumi Paroc. Siarod partnioraŭ: AAT «Lidskaje piva», Leipurin, tancavalnaja studyja «Kvartał», kampanii Teknos i SuomiKids, handlovy centr «Halereja», sacyjalnyja prajekty Babystory, KieramART i «Zdarovy vybar». Fiestyval supracoŭničaje z kampanijami Sorainen, AirBaltic, DoubleTreebyHilton i VikingLine.
Dla haściej i naviedvalnikaŭ buduć arhanizavany tancavalnyja majstar-kłasy ad prafiesijnych finskich i biełaruskich tancoraŭ. Terytoryju fiestyvalu padzielać na tematyčnyja zony, u jakich možna budzie pahulać u finskija haradki i fłarboł, uziać udzieł u majstar-kłasach pa pryhatavańni finskaj vypiečki, pajeści na fud-korcie, pasprabavać svaje siły na aŭtanomnym skaładromie, padtrymać dabračynnyja i sacyjalnyja prajekty, paznajomicca z navinkami finskaj litaratury, pryniać udzieł va ŭrokach finskaj movy i adkryć dla siabie mahčymaści vandrovak pa Finlandyi. Arhanizatary nie abminuć uvahaj i junych udzielnikaŭ śviata, dla jakich buduć zładžany śpiecyjalnyja hulniavyja zony.
Taksama fiestyval naviedaje sapraŭdny finski Dzied Maroz — Joŭłupuki, jaki pryviazie z saboj krychu sapraŭdnaj skandynaŭskaj zimy i budzie pravodzić čas z haściami na praciahu ŭsiaho mierapryjemstva.
Fiestyval projdzie 29 lipienia, u subotu, z 13.00 da 17.00.
Bolš infarmacyi na www.finland100.by.
