Vakoł Cnianskaha vadaschovišča zabaranili kuryć i vyhulvać sabak
Cnianskaje vadaschovišča i prylehłaja da jaho terytoryja pryznanyja zonaj, svabodnaj ad kureńnia, paviedamiła karespandentu ahienctva «Minsk-Naviny» 1 lipienia va čas pramoj linii pieršy namieśnik kiraŭnika administracyi Savieckaha rajona Ała Sankoŭskaja.
- U adpaviednaści z rašeńniem administracyi vadajom i prylehłyja da jaho terytoryi razam ź lasnymi masivami pryznanyja zonaj, svabodnaj ad kureńnia. Infarmacyja pra zabarony ŭ miescach adpačynku raźmiaščajecca ŭ roznych miescach, u tym liku na kabinach dla pieraapranańnia. Taksama rasstavim dadatkovyja tablički ŭžo bolšaha farmatu, kab pryciahnuć uvahu ludziej, - adznačyła pieršy namieśnik kiraŭnika administracyi.
Akramia taho, tut ustanoŭleny znaki ab zabaronie vyhułu sabak.
- Hramadzianie skardzilisia na toje, što siudy prychodziać treniravać chatnich žyvioł. Da nas pastupiła ŭžo niekalki takich zvarotaŭ. Sama stanaviłasia śviedkaj taho, jak pad viečar vychadnoha dnia sabaki biez namordnikaŭ, švorak biehli pa vieładarožcy ŭśled za haspadarami, jakija ruchalisia na rovarach, - raspaviała Ała Sankoŭskaja.
