Z 1 lipienia ŭ Biełaruś možna ŭvozić ŭsiaho da 5 kh harodniny i sadaviny, pry častych pajezdkach abmiežavańni jašče stražejšyja
Ustupajuć u siłu novyja normy Jeŭrazijskaha ekanamičnaha sajuza.
Fota Iryny Arachoŭskaj.
Z 1 lipienia na terytoryju krain JEAES (Biełaruś, Rasija, Armienija, Kazachstan, Kyrhyzstan) adzin čałaviek zmoža pravozić nie bolš za 5 kh harodniny i sadaviny, a taksama da troch bukietaŭ kvietak (da 45 ściablin).
Pad normu padpadajuć taksama arechi, babovyja, jahady, hryby.
Kali abjomy pieravyšanyja, patrebny fitasanitarny siertyfikat.
Normy dziejničajuć dla razavaha pierasiačeńnia miažy. Heta značyć, zavieźci 5 kh harodniny ci sadaviny možna raz na tydzień.
Varta nahadać, što raniejšyja abmiežavańni na ŭvoz praduktaŭ nichto nie admianiaŭ. Kali vy byli za miažoj čaściej čym raz na try miesiacy, to pa normach možacie zavieźci nie bolš za 10 kh praduktaŭ. Kali vy pierasiakali miažu čaściej čym raz na tydzień, to norma pa praduktach — 5 kh, u tym liku tolki 1 litr śpirtnoha. Za ŭsio, što zvyš hetaj normy, pryjdziecca spłacić myta.
