U Minsku padletak kupiŭ narkotyki ŭ internet-kramie i pajšoŭ u hości da siabroŭki
U Minsku padletak kupiŭ narkotyki ŭ internet-kramie i ź imi pajšoŭ da siabroŭki ŭ hości, paviedamlaje HUUS Minharvykankama.
Dva supracoŭniki adździeła pa narkakantroli i supraćdziejańni handlu ludźmi Frunzienskaha RUUS Minska zajšli paśla pracy ŭ kramu pa pradukty. Ich uvahu pryciahnuli padazronyja pavodziny padletka. Jak akazałasia, niepaŭnaletni znachodziŭsia ŭ stanie narkatyčnaha apjanieńnia. U jaho byŭ kanfiskavany skrutak, u jakim znachodziłasia paraškapadobnaje rečyva, jakoje maje ŭ svaim składzie asabliva niebiaśpiečny psichatrop alfa-PVP. Narkotyki byli staranna schavanyja ŭ abutku — pad vuściłkaj krasoŭki. Było vyjaŭlena, što tavar zatrymany nabyŭ u internet-kramie i nakiroŭvaŭsia ŭ hości da svajoj dziaŭčyny.
guvd.gov.by
U dačynieńni da niepaŭnaletniaha raspačataja kryminalnaja sprava pa č. 1 art. 328 (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ) KK RB. Jamu pahražaje pakarańnie ŭ vyhladzie pazbaŭleńnia voli na termin da 5 hadoŭ. Viadoma, što padletak skončyŭ 9 kłasaŭ, dalej nidzie nie vučyŭsia i nie pracavaŭ. Raniej jon pryciahvaŭsia da kryminalnaj adkaznaści za ŭčynieńnie kradziažu.
