ŚMI daviedalisia pra hatoŭnaść Ranałdu zapłacić ispanskim uładam €14 miljonaŭ
Reuters.com
Kapitan zbornaj Partuhalii pa futbole Kryšcijanu Ranałdu, jakija padazrajucca va ŭchileńni ad vypłaty padatkaŭ, vyrašyŭ vypłacić uładam Ispanii € 14,8 miljonaŭ, kab paźbiehnuć mahčymaha turemnaha źniavoleńnia. Ab hetym paviedamlajecca na sajcie ispanskaj radyjostancyi COPE.
Sudovyja słuchańni pa spravie Ranałdu pryznačanyja na 31 lipienia, jany projduć u pryharadzie Madryda Pasueła-de-Ałarkon. Ułady dali futbalistu termin u 60 dzion, kab vypłacić sumu zapazyčanaści i pieni, adznačaje radyjostancyja. Kali jon heta zrobić, mahčyma dasudovaje pahadnieńnie z uładami.
Kali futbalist pryznaje vinu i vypłacić hrošy, jon zmoža paźbiehnuć turemnaha terminu, jaki moža skłaści da 24 miesiacaŭ.
Prakuratura Ispanii 13 červienia padała na Ranałdu ŭ sud, abvinavaciŭšy jaho ŭ niavypłacie padatkaŭ z 2011 pa 2014 hady. U futbolnym kłubie «Reał» na nastupny dzień zajavili, što ličać, što spartsmien dziejničaŭ u poŭnaj adpaviednaści z padatkovym zakanadaŭstvam i što jon zmoža dakazać svaju nievinavataść u sudzie.
