Kataliki siońnia śviatkujuć Dzień Najśviaciejšaj Trojcy
U Katalickaj carkvie Dzień Najśviaciejšaj Trojcy adznačajecca ŭ nastupnuju niadzielu za Piacidziasiatnicaj (u 57-y dzień paśla Vialikadnia). Śviata pryśviečanaje prasłaŭleńniu Najśviaciejšaj Trojcy — Boha Ajca, Syna i Śviatoha Ducha, liturhičnyja čytańni i propaviedzi hetaha dnia raskryvajuć chryścijanskaje vučeńnie ab traičnaści Boha.
U rymskim liturhičnym kalendary śviaty spasłańnia Śviatoha Ducha i dzień Najśviaciejšaj Trojcy majuć status «uračystaści». Tradycyjnyja kolery ŭboru śviataroŭ u Dzień Najśviaciejšaj Trojcy, jak i ŭ inšyja vialikija śviaty, — biełyja.
Z daŭnich časoŭ na Trojcu pryniata ŭpryhožvać chramy i chaty śviežymi kvietkami, travoj, halinkami dreŭ i prynosić u chram na aśviačeńnie bukiety z travy i kvietak, a paśla słužby adnosiać ich dadomu i zachoŭvajuć na praciahu hoda jak dobry srodak ad chvarob. Raniej u siaredzinu takoha bukieta stavili śviečku, jakaja pavinna była hareć na praciahu ŭsioj słužby. Travy potym vykarystoŭvalisia jak abiareh ad roznych chvarob, a śviečku ŭkładvali ŭ ruki pamirajučaha.
