Kala minskaj ratušy ŭ subotu startujuć «Džazavyja viečary»
Džazavy hitaryst Skot Chiendersan, pijanistka-vunderkind z Salihorska, a taksama inšyja muzykanty z ZŠA, Niderłandaŭ, Čyli, Tunisa, Turkmienistana i Biełarusi vystupiać na placoŭcy kala minskaj Ratušy 10, 17 i 24 červienia ŭ ramkach prajekta «Džazavyja viečary».
Heta ŭžo piaty, jubilejny, siezon «Džazavych viečaroŭ» na adkrytym pavietry, jakija z 2013 hoda prachodziać u stalicy ŭ farmacie štotydniovych kancertaŭ. Kłasičny džaz, etna, džaz-fank, rytm-end-bluz — heta tolki maleńkaja častka muzyčnych stylaŭ, jakija zmohuć pačuć žychary i hości horada.
10 červienia prahramu adkryje salihorskaja pijanistka-vunderkind Safija Kurłovič. Dziaŭčyncy ŭsiaho 7 hadoŭ, ale jana hraje, jak sapraŭdny virtuoz.
Chedłajnier sioletnich viečaroŭ — amierykaniec Skot Chiendersan. Akramia jaho, u pieršy dzień fiestyvalu na płoščy Svabody vystupiać śpiavak i multyinstrumientalist Charysan Janh (ZŠA/Niderłandy), etna-džazavy duet Agata, VIP-jazz Andreja Słavinskaha.
17 i 24 červienia minčan čakajuć sustrečy z bas-hitarystam Kryścijanam Hałviezam (Čyli), amierykancam Klivam Džonsam, kancertnym arkiestram Barysa Miahkova, «Tryo Kanstancina Haračaha», Minsk Voices, Premier Orchestra dy inšymi
Uvachod na ŭsie vakalnyja i instrumientalnyja vystupy volny. Pačatak u 20.00.
