BDU abyšoŭ usie polskija i litoŭskija VNU ŭ rejtynhu ŭniviersitetaŭ śvietu
Dva biełaruskija ŭniviersitety trapili ŭ rejtynh najlepšych univiersitetaŭ śvietu, składzieny brytanskaj kansałtynhavaj kampanijaj Quacquarelli Symonds. Usiaho ŭ rejtynh uklučanyja 959 vyšejšych navučalnych ustanovaŭ.
Fota gazeta.bsu.by.
U BDU — 334-je miesca, a BNTU dzielić miescy z 751 pa 800-je.
U rejtynh trapili 24 VNU z Rasii: Maskoŭski dziaržaŭny ŭniviersitet imia Łamanosava raźmiaściŭsia na 95 miescy, a Sankt-Pieciarburhski dziaržaŭny ŭniviersitet na 240-m miescy.
U rejtynhu znachodziacca čatyry litoŭskija VNU: Vilenski ŭniviersitet dzielić z 401 pa 410-je miescy, Technałahičny imia Hiedymina — z 551-ha pa 600-je, Kaŭnaski technałahičny — z 701 pa 800-je, a Univiersitet Vitaŭta Vialikaha znachodzicca ŭ kancy śpisu: u jaho z 801 pa 1000-je miesca.
U rejtynhu — dzieviać univiersitetaŭ z Polščy, u tym liku Varšaŭski (411—420) i Jahiełonski (461—470), šeść VNU z Ukrainy (najlepšyja pazicyi ŭ Charkaŭskaha nacyjanalnaha i Kijeŭskaha imia Tarasa Šaŭčenki).
Uznačalvajuć rejtynh najlepšych VNU śvietu, jak i hodam raniej, Masačusetski technałahičny instytut, Stenfardski univiersitet dy Harvard. Kiembrydžski i Oksfardski na 5-m i 6-m miescach adpaviedna.
