Łukašenka na naradzie pa chakiei: Vaša ščaście, kali mianie nie budzie da 2021 hoda
president.gov.by
U 2021 hodzie Biełaruś znoŭ prymie čempijanat śvietu pa chakiei, hetym razam - sumiesna z Łatvijaj. Alaksandr Łukašenka na naradzie pa pytańniach raźvićcia hetaha vidu sportu papiaredziŭ chakieistaŭ i funkcyjanieraŭ, što ich čakaje žorstkaje spahnańnie za vyniki pracy, piša Tut.by.
— Što budzie ŭ 2021 hodzie? Vy što, chočacie skazać, što ja paciarplu? Vaša ščaście, kali mianie nie budzie da 2021-ha hoda. Ja nie paciarplu vašaj takoj pracy. Padumajcie, jaki padarunak ŭ 2021 hodzie biełaruskamu narodu vy padniasiecie, — prahučali słovy Łukašenki ŭ efiry telekanała ANT.
Kiraŭnik krainy taksama padkreśliŭ, što finansavańnie budzie zaležać ad pakazanaha vyniku.
— I vy nie pryjdziecie i nie skažacie mnie, što nam treba 2-3 hady, kab čahości padrychtavać, što nam hrošy treba, jašče niešta treba… Nie budzie nijakich hrošaj, pakul nie daście narmalny pradukt, - skazaŭ Alaksandr Łukašenka.
Adznačym, što nastupnyja vybary prezidenta Biełarusi pavinny adbycca ŭ 2020 hodzie, za hod da ČS-2021.
