Ustupnyja ispyty ŭ 5-ja kłasy himnazij projduć z 2 pa 10 červienia
Ustupnyja ispyty ŭ 5-ja kłasy himnazij, himnazij-internataŭ, himnazij-kaledžaŭ mastactvaŭ projduć z 2 pa 10 červienia, paviedamiła BIEŁTA pres-sakratar Ministerstva adukacyi Biełarusi Ludmiła Vysockaja.
Dla tych, chto žadaje pastupić u himnazii, himnazii-internaty, pravodziacca try ŭstupnyja ispyty: pa biełaruskaj movie, ruskaj movie, matematycy. Dla žadajučych pastupić u himnazii-kaledžy mastactvaŭ — dva ŭstupnyja ispyty: pa biełaruskaj abo ruskaj movie na vybar i matematycy, a taksama pravodzicca pravierka zdolnaściej u halinie asobnych vidaŭ mastactva.
Ispyt pa ruskaj movie projdzie 2 červienia (dyktant), matematycy — 5 červienia (kantrolnaja rabota), biełaruskaj movie — 7 červienia (dyktant). Pravierka zdolnaściej u halinie asobnych vidaŭ mastactva adbudziecca 9 červienia. 10 červienia — reziervovy dzień dla praviadzieńnia ŭstupnych ispytaŭ i pravierki tvorčych zdolnaściej dla tych, chto pa ŭvažlivych pryčynach nie zmoh źjavicca na ŭstupnyja ispyty (pravierku zdolnaściej u halinie asobnych vidaŭ mastactvaŭ) va ŭstanoŭlenyja terminy. Pačatak usich ispytaŭ — 11.00.
Teksty i zadańni dla praviadzieńnia ŭstupnych ispytaŭ pa vučebnych pradmietach, u tym liku ŭ reziervovy dzień, buduć abjaŭleny pa telebačańni i radyjo.
Pry pryjomie ŭ himnazii, himnazii-internaty, himnazii-kaledžy mastactvaŭ ŭličvajucca jak rezultaty ŭstupnych ispytaŭ pa nazvanych vučebnych pradmietach, tak i hadavyja adznaki pa ich, atrymanyja paśla zaviaršeńnia navučańnia i vychavańnia na I stupieni ahulnaj siaredniaj adukacyi ŭ 2017 hodzie.
Pry roŭnaj kolkaści bałaŭ (heta značyć roŭnaj sumie bałaŭ pa vynikach ustupnych ispytaŭ i hadavych adznak) pieravažnaje prava na zaličeńnie ŭ himnazii, himnazii-internaty majuć asoby z bolš vysokim siarednim bałam hadavych adznak za 4-y kłas, a ŭ himnazii-kaledžy mastactvaŭ — tyja, chto nabrali bolšuju kolkaść bałaŭ pa vynikach pravierki zdolnaściej u halinie asobnych vidaŭ mastactvaŭ.
Zahad ab zaličeńni vučniaŭ u himnazii pavinien być aformleny nie paźniej za 12 červienia.
Kali vučań nie pryniaty pa vynikach ustupnych ispytaŭ u himnaziju, himnaziju-internat, himnaziju-kaledž mastactvaŭ, u jakoj atrymaŭ pačatkovuju adukacyju, jon moža pradoŭžyć navučańnie va ŭstanovie adukacyi pa miescy žycharstva abo inšaj ustanovie adukacyi.
