Ukraina ŭviała štraf da $200 za našeńnie hieorhijeŭskich stužak
Viarchoŭnaja Rada padtrymała zakonaprajekt ab zabaronie vyrabu i prapahandy hieorhijeŭskaj stužki va Ukrainie, paviedamlaje UP.
unian.ua
Za adpaviednaje rašeńnie ŭ čaćvier prahałasavali 238 deputataŭ.
Pierad hetym śpikier Andrej Parubij zajaviŭ, što «siońnia idzie vajna, i hieorhijeŭskaja stužka stała simvałam akupacyjnaj vajny Rasijskaj Fiederacyi suprać Ukrainy».
«Hetyja stužki siońnia nosiać tyja, chto raźviazaŭ vajnu suprać Ukrainy, chto štodnia stralaje ŭ našych voinaŭ, chto zabivaje mirnych žycharoŭ Aŭdziejeŭki i inšych haradoŭ. Ad Majdanu i da siońnia hety simvał staŭ simvałam rasijskaj ahresii i elemientam dla destabilizacyi va Ukrainie», — skazaŭ jon.
Dakumient praduhledžvaje pakarańnie za publičnaje vykarystańnie, demanstracyju abo našeńnie hieorhijeŭskaj stužki ŭ vyhladzie štrafu ad 50 da 150 nieabkładanych minimumaŭ dachodaŭ hramadzian (850—2 550 hryvień, abo prykładna 30—95 dalaraŭ) abo administracyjnaha aryštu na termin da 15 sutak z kanfiskacyjaj stužki.
Za paŭtornuju prapahandu praduhledžvajucca tyja ž sankcyi, adnak štraf za dadzienaje pravaparušeńnie moža składać užo da 300 nieabkładanych minimumaŭ dachodaŭ hramadzian (kala 200 dalaraŭ).
Pałažeńni novaha artykuła Kodeksa ab administracyjnych pravaparušeńniach nie raspaŭsiudžvajucca na vypadki vykarystańnia hieorhijeŭskaj stužki na dakumientach dziaržaŭnych orhanaŭ, vydadzienych da 1991 hoda; u ekspazicyjach muziejaŭ na aryhinałach bajavych ściahoŭ; na dziaržaŭnyja ŭznaharody, jakimi ŭznaharodžvalisia da 1991 hoda i na praciahu 1991-2015 hadoŭ u suviazi z hadavinaj padziej Druhoj suśvietnaj vajny; na mahilnych zbudavańniach.
