Kitaj adkryvaje rynak dla biełaruskaj jałavičyny
Kitaj adkryvaje svoj rynak dla biełaruskaj jałavičyny, paviedamiŭ BIEŁTA načalnik hałoŭnaha ŭpraŭleńnia źniešnieekanamičnaj dziejnaści Ministerstva sielskaj haspadarki i charčavańnia Alaksiej Bahdanaŭ.
«Siońnia ŭ chodzie sustrečy ministra sielskaj haspadarki i charčavańnia Biełarusi Leanida Zajca i ministra hałoŭnaha dziaržaŭnaha ŭpraŭleńnia KNR pa kantroli jakaści, inśpiekcyi i karancinie Čžy Šupina było parafiravana pahadnieńnie, jakoje dazvalaje pastaŭki biełaruskaj jałavičyny na kitajski rynak. Paśla zaviaršeńnia niekatorych farmalnaściej jano budzie padpisana ŭ chodzie aficyjnaha vizitu kiraŭnika kitajskaha vieterynarnaha viedamstva ŭ Minsk 7-12 lipienia», — paviedamiŭ Alaksiej Bahdanaŭ.
U kastryčniku 2016 hoda śpiecyjalisty hałoŭnaha dziaržaŭnaha ŭpraŭleńnia pa kantroli jakaści, inśpiekcyi i karancinie KNR praviali aŭdyt čatyroch biełaruskich pierapracoŭčych pradpryjemstvaŭ: Bresckaha miasakambinata, Hrodzienskaha miasakambinata, Mahiloŭskaha miasakambinata i «Viales-Mit». Jak rastłumačyli ŭ ministerstvie, pa vynikach pravierki pravodziłasia rabota pa pryviadzieńni niekatorych technałahičnych pracesaŭ na vytvorčaści i vieterynarnaj dakumientacyi ŭ adpaviednaść z kitajskimi patrabavańniami. Ciapier usie raboty zavieršany i poŭnaściu zadavolvajuć kitajski bok.
Biełaruś źjaŭlajecca najbujniejšym eksparcioram jałavičyny na postsavieckaj prastory, pastaŭlajučy bolš jak 135 tys.t jałavičyny ŭ hod. Zajmaje 7-y radok u suśvietnym rejtynhu eksparcioraŭ achałodžanaj jałavičyny. U 2016 hodzie biełaruskaja jałavičyna pastaŭlałasia na rynki 10 krain.
«Z adkryćciom kitajskaha rynku my zmožam u značnym abjomie dyviersifikavać naš ekspart, pryčym cana na kitajskim rynku na jałavičynu davoli vysokaja. Viadoma, napieradzie šmat raboty pa vybudoŭvańni handlovych łancužkoŭ z kitajskimi partniorami, u bližejšy hod my płanujem vyjści na pastaŭki jałavičyny ŭ abjomie kala 20 tys.t. Nastupny krok z boku Minsielhascharča — heta siertyfikacyja biełaruskich ptuškafabryk», — dadaŭ Alaksiej Bahdanaŭ.
