Łukašenka: Treba mianiać hrafik pracy škoł. Raniej za dzieviać hadzin uroki pačynać nie treba
Alaksandr Łukašenka daručyŭ pierahledzieć hrafik raboty ahulnaadukacyjnych škoł. Ab hetym kiraŭnik dziaržavy zajaviŭ siońnia, prymajučy kadravyja rašeńni.
«Treba nam mianiać hrafik pracy škoł. Raniej za dzieviać hadzin uroki pačynać nie treba», - skazaŭ Łukašenka.
Jon adznačyŭ, što niekatoryja baćki vystupajuć suprać takoha rašeńnia, ale ŭ pieršuju čarhu nieabchodna dumać pra zdaroŭje dziaciej, pra toje, jak jany zasvojvajuć u škole materyjał. «Tamu nam treba ŭ hetym płanie mianiać situacyju, asabliva ŭ vioscy. Navat na aŭtobusie 5—7 km viazuć dzietak. Im ža treba a šostaj hadzinie pračynacca. Heta chiba narmalna? Darosły čałaviek u šeść hadzin nie moža pračnucca», - pryvioŭ prykład Alaksandr Łukašenka.
«Tamu pa adukacyi ŭ nas pavinny być surjoznyja zruchi. I da ŭstupnych ispytaŭ my taksama niejkija źmieny ŭnieśli, ale treba bolš istotna da hetaha padychodzić», — daručyŭ jon.
Apytanka
