Vychadziec z SSSR achviaravaŭ na łondanski muziej €300 miljonaŭ
Brytanskaja halereja sučasnaha mastactva Tate Modern pieranazvała svoj novy budynak, adkryty ŭ 2016 hodzie, u Blavatnik Building u honar miljardera Leanarda Błavatnika, jaki zrabiŭ adno z najbujniejšych achviaravańniaŭ u historyi muzieja. Pra heta paviedamlaje The Guardian.
Blavatnik Building. Fota architectsjournal.co.uk
Budynak raniej nazyvaŭsia Switch House, jon byŭ sprajektavany šviejcarskim architekturnym biuro Herzog & de Meuron Architekten i budavaŭsia ad 2009 hoda.
Fond siamji Błavatnika zrabiŭ achviaravańnie Tate u 2011 hodzie ŭ pamiery £260 miljonaŭ (kala €300 miljonaŭ), jakich nie chapała dla zaviaršeńnia budaŭnictva novaha budynka halerei, piša Guardian. Urad Vialikabrytanii i miascovyja ŭłady vyłučyli na hetyja mety tolki £58 miljonaŭ (kala €68 miljonaŭ).
Leanard Błavatnik.
Błavatnik naradziŭsia ŭ Adesie ŭ 1957 hodzie, u 1978-m emihravaŭ u ZŠA, u 1984 hodzie staŭ hramadzianinam hetaj krainy, u 2010-m — paddanym Złučanaha Karaleŭstva.
Biznesmen źjaŭlajecca zasnavalnikam i staršynioj chołdynhavaj kampanii Access Industries, jakaja kantraluje Warner Music Group i najbujniejšaha ŭ śviecie vytvorcu poliprapilena LyondellBasell Industries NV.
U 2015 hodzie vydańnie The Sunday Times nazvała Błavatnika najbahaciejšym čałaviekam u Vialikabrytanii, acaniŭšy jaho bahaćcie ŭ bolš čym £17,1 młrd (kala €20 miljardaŭ). Adnak u 2016 hodzie, pa viersii vydańnia, jon straciŭ dźvie pazicyi i tolki zamknuŭ top-3 najbahaciejšych žycharoŭ krainy.