Sańnikaŭ padtrymaŭ Radzinu: Kobiec straciŭ davier
Kaardynatar «Jeŭrapiejskaj Biełarusi» Andrej Sańnikaŭ vykazaŭ svajo bačańnie situacyi, što skłałasia ŭ Varšavie z «Biełaruskim domam».
Jak tłumačyć Sańnikaŭ, «Biełaruski dom» stvaryli ruch «Za svabodu» i hramadzianskaja kampanija «Jeŭrapiejskaja Biełaruś» z tym raźlikam, što tam budzie znachodzicca ofis apošniaj.
«Mienavita «Jeŭrapiejskaja Biełaruś» ŭ 2014 hodzie delehavała Uładzimira Kobieca na pasadu sudyrektara «Biełaruskaha doma», — piša Sańnikaŭ. —
U sakaviku Kobiecu było paviedamlena, što jon bolš nie źjaŭlajecca kaardynataram «Jeŭrapiejskaj Biełarusi» ŭ suviazi sa strataj davieru i nie moža zajmać pasadu sudyrektara «Biełaruskaha doma».
Pry hetym mahčymaść dalejšaha supracoŭnictva nie vyklučałasia. Publičnych zajaŭ na hety kont nie mierkavałasia. Pra hetaje rašeńnie byŭ prainfarmavany dyrektar «Biełaruskaha doma» Aleś Zarembiuk. Piarečańniaŭ u jaho takoje rašeńnie nie vyklikała. Jon taksama pahadziŭsia z tym, što ŭ bližejšy čas «Jeŭrapiejskaja Biełaruś» pradstavić kandydaturu novaha sudyrektara».
Sańnikaŭ tłumačyć, što kali 2 maja na elektronny adras «Jeŭrapiejskaj Biełarusi» pryjšoŭ list biez podpisaŭ z patrabavańniem vyzvalić pamiaškańni, uźnikli padazreńni, što rachunak «Biełaruskaha doma» uzłamali śpiecsłužby. Ni Kobiec, ni Zarembiuk na zvanki i listy nie adkazvali, a siabry rady «Biełaruskaha doma», ź jakimi ŭdałosia źviazacca, ničoha nie viedali.
«Paźniej udałosia pierakanacca, što elektronny rachunak «Biełaruskaha doma» ŭzłamany nie byŭ. Ultymatum Kobieca i Zarembiuka pa časie supadajuć z aryštami ŭ Biełarusi, abvinavačvańniami kaardynataraŭ «Jeŭrapiejskaj Biełarusi» ŭ ciažkich złačynstvach, kampanijaj paklopu ŭ dziaržaŭnych ŚMI», — dadaŭ kaardynatar «Jeŭrapiejskaj Biełarusi».
Čytajcie taksama: Mocnyja abvinavačvańni hučać u asiarodku «Chartyi-97»
