5 pryčyn pabačyć «Knihu Iłaja» pa-biełarusku
Pakazy — 28—30 krasavika, kinateatr «Maskva» (pr. Pieramožcaŭ, 13). Pačatak sieansaŭ — 19:00.
U piatnicu, 28 krasavika u kinateatry «Maskva» pačynajucca pakazy filma «Kniha Iłaja» pa-biełarusku. Ich arhanizuje prajekt «Biełaruskija ŭikendy» pry padtrymcy «Atłant Telekam» i velcom.
Arhanizatary skłali śpis z 5 punktaŭ, čamu hetyja pakazy varta naviedać.
1. Mova
Prajekt «Biełaruskija ŭikendy» adziny ŭ Biełarusi ładzić pakazy filmaŭ u kinateatrach pa-biełarusku. Jašče niadaŭna heta było fantastykaj, a siońnia — realnaść!
2. Čarnobyl
Film «Kniha Iłaja» raspaviadaje pra śviet paśla jadziernaj katastrofy. Dla biełarusaŭ heta tema zrazumiełaja jak dla nikoha inšaha. Pakazy admysłova prymierkavany da hadaviny Čarnobylskaj trahiedyi. Pierad hledačami vystupić zaprošany hość, likvidatar avaryi na ČAES, viadomy mastak Lavon Hryšuk.
3. Akciory
Vybitny akciorski skład. U hałoŭnych rolach zaŭždy pierakanaŭčy Denzieł Vašynhton i hienijalny Hery Ołdmien. Kampaniju im niečakana skłali znakamity muzyka Tom Uejts (u roli handlara-inžyniera) i Dambłdor Majkł Hemban u roli pažyłoha kanibała. Ź biełaruskaha boku taksama cudoŭnyja akciory ahučvali film: Pavał Charłančuk, Hanna Chitryk, Aleś Małčanaŭ, Śviatłana Cimochina, Źmicier Saładucha, Uładzimier Hłotaŭ.
4. Atmaśfiera
Krytyki asabliva adznačajuć vykštałcona stvoranuju atmaśfieru postapakaliptyčnaha śvietu. Doŭhija prachody hałoŭnaha hieroja dazvalajuć nam u padrabiaznaściach razhladzieć śviet paśla jadziernaj katastrofy, i stvaralniki filma nie paškadavali detalaŭ.
5. Kaštoŭnaści
Film kaža pra sapraŭdy važnyja rečy: našu adkaznaść za toje, jakim budzie śviet zaŭtra; prymušaje parazvažać pra biazdumnaje spažyvańnie; pra važnaść viery; pra toje, što ŭsio, navat Bibliju, možna vykarystoŭvać jak na dabro, tak i na zło. I pra toje, što niedastatkova čytać pravilnyja słovy, treba imi žyć.
Bolš infarmacyi na kinakong.by.
Kvitki možna nabyć u kasach kinateatra i na bycard.by.
