Futra ściuardesy «Tytanika» pradali na aŭkcyjonie za $231 tysiaču
Pierad prodažam košt łota aceńvali ŭ $100 tysiač.
Futravaje palito, jakoje nasiła ściuardesa patanułaha karabla «Tytanik», pradali na aŭkcyjonie ŭ Vialikabrytanii za 150 tysiač brytanskich funtaŭ (kala $ 192 tysiač). Z ulikam padatkaŭ i zboraŭ pakupnik zapłacić 181 tysiaču brytanskich funtaŭ ($231 tysiaču), paviedamlaje VVS.
Pierad prodažam košt łota aceńvali ŭ 80 tysiač funtaŭ.
Ściuardesa Miejbł Bieniet, jakoj naležała futra, uziała jaho z saboj, kab nie zamierznuć, bo na joj była tolki načnaja kašula, kali ekipažy vyratavalnych šlupak prybyli ratavać pasažyraŭ «Tytanika» paśla sutyknieńnia karabla z ajśbierham.
Mejbł Bieniet pamierła ŭ 1974 hodzie, a palito addała svajoj plamieńnicy ŭ 1960-ch hadach. Futra ŭpieršyniu była vystaŭlena na prodaž u ZŠA ŭ 1999 hodzie.
