Jadziernaje paliva dla pieršaha reaktara BiełAES pryviazuć u kancy 2018 hoda
Jadziernaje paliva dla reaktara pieršaha enierhabłoka BiełAES pastupić u Biełaruś u kancy 2018 hoda. Jaho zahruzka ŭ reaktar budzie ažyćcioŭlenaja ŭ I kvartale 2019 hoda, paviedamiŭ siońnia žurnalistam hałoŭny inžynier RUP «Biełaruskaja AES» Anatol Bondar.
«Pa papiarednich raźlikach, zahruzka paliva ŭ aktyŭnuju zonu na pieršym enierhabłoku adbudziecca ŭ pieršym kvartale 2019 hoda. Hety praces zajmaje pryblizna 10-15 dzion. Samo paliva pavinna być dastaŭlenaje na placoŭku ŭ kancy 2018 hoda», — cytuje Bondara BIEŁTA.
Pa słovach śpiecyjalista, na pieršy enierhabłok užo pastupiła ŭsio asnoŭnaje abstalavańnie, ciapier viadziecca jaho mantaž. Adna z klučavych padziej — zvarka hałoŭnaha cyrkulacyjnaha trubapravoda. Da hetaj apieracyi płanujecca prystupić u mai hetaha hoda.
U cełym na placoŭcy budaŭnictva Biełaruskaj AES pracujuć kala 5 tysiač čałaviek budaŭniča-mantažnaha piersanału. Pa infarmacyi Anatola Bondara, udzielničać u zapusku pieršaha enierhabłoka buduć śpiecyjalisty z adpaviednym dośviedam zapusku na atamnych elektrastancyjach u inšych krainach.
Jak zajaviŭ žurnalistam namieśnik ministra enierhietyki Michaił Michadziuk, AES budujecca pierš za ŭsio dla zadavalnieńnia ŭłasnych patreb u elektraenierhii. «Paśla zapusku dvuch enierhabłokaŭ AES zakryje krychu bolš za 30% patreby krainy», — paviedamiŭ namieśnik ministra.