Staś Karpaŭ. Ja vyzvalu ŭsich raboŭ

Ja vyzvalu ŭsich vieślaroŭ hetaj i kožnaj halery.
Ja zołota vydam rabam vahoju ź ich łancuhi:
Kožnamu, chto nie pamre ad hołada i chalery,
Kožnamu, chto nie zhnije ad syraści i cynhi.
Chaj chvali nie chilać bort, my śpiny svaje nachilim,
I budzie da bierahoŭ prakładziena barazna.
Prosta ciahni viasło. I siem futaŭ pad kilem.
I chaj tvaja skura, Abu, kvitnieje ad bizuna,
Ale my z taboju, Abu, jašče napatkajem bareja,
Usich, chto machaŭ bizunom i skidvaŭ u trum pacukoŭ
Ja sam u šyrokaj piatli paviešu na mačtavaj rei
A zołata vydam rabam mieraj pa zvonie akoŭ.
Jakimi b vy ni byli, kulhavymi ci rabymi —
Łavicie maniety ŭ koš, zapoŭnicie karaby!
Ja vyzvalu vas, vieślary i vydam vam pa rabyni.
My sojdziem na bierahi — tam buduć jašče raby!

0

0

0

0

0

0