Budynki kala płoščy Jakuba Kołasa vykupiła kampanija forvarda chakiejnaj kamandy Łukašenki
Haspadarami budynkaŭ, dzie znachodzicca handlovy centr «Impuls», a taksama abjektaŭ, jakija prymykajuć da jaho, na pł. Jakuba Kołasa ŭ Minsku stali kampanii «Tapas» i «Mahnat Trejd». Pra heta TUT.BY raspaviali niekalki krynic, znajomych z chodam praviadzieńnia ŭhodaŭ.
Dyrektar TAA «Tapas» Mikałaj Trabianok i staršynia Dziaržaŭnaha kamiteta pa majomaści Andrej Hajeŭ
Učora adpaviednyja dahavory kupli-prodažu byli zaklučanyja ŭ Dziaržkamitecie pa majomaści. Adnak nazvy kampanij u paviedamleńniach dziaržaŭnych ŚMI nie ŭkazvalisia. Jak udałosia vyśvietlić TUT.BY, novymi inviestarami stali kampanii, jakija tam užo arandavali i mieli płoščy.
«Tapas» prapanuje ŭ arendu paviljony ŭ handlovym centry «Impuls», jaki znachodzicca pierpiendykularna vuł. V. Charužaj. Arenda składaje «ad 50 u.ie. za kv. m», havorycca na sajcie kampanii. «Mahnat Trejd» taksama byŭ adnym z apierataraŭ handlovaha centra, vynikaje z paviedamleńnia na sajcie Minharvykankama.
«Tapas» vykupiŭ častku izalavanych pamiaškańniaŭ, jakija im nie naležali. Budynak handlovaha kompleksu, jaki biare svoj pačatak ad mietro, vykupiła kampanija «Mahnat Trejd», skazaŭ TUT.BY infarmavany surazmoŭca.
Pavodle jaho słoŭ, ciapier byli pradadzienyja abjekty, jakija znachodziacca va ŭłasnaści respubliki, 27 krasavika budzie pradadzienaja ŭłasnaść AAT «MVAVT» (zavoda vyličalnaj techniki imia Ardžanikidze). Pa infarmacyi TUT.BY, častka pamiaškańniaŭ dastaniecca «Tapasu» i «Mahnat Trejdu»..
Skandalna viadomy handlovy centr «Impuls-2», jaki budavaŭsia na srodki indyvidualnych pradprymalnikaŭ, ale tak i nie byŭ uviedzieny ŭ ekspłuatacyju, pavinien nabyć haspadara ŭ bližejšy čas, skazaŭ surazmoŭca. Adnak, jak vynikaje z rasparadžeńnia Łukašenki, abjekt piarojdzie kampanii «Mahnat Trejd» z rasterminoŭkaj apłaty da 3 hadoŭ. Pa słovach surazmoŭcy, «ipešnikam» praduhledžanaja biudžetnaja kampiensacyja ŭkładzienych srodkaŭ. Pavodle dakumienta, Minfinu daručana zabiaśpiečyć vydzialeńnie AAT «MVAVT» na padstavie sudovych rašeńniaŭ ź biudžetu srodkaŭ, nieabchodnych dla viartańnia inviestycyj, układzienych TAA «Fart-Plus» u kapitalny budynak, pa miery pastupleńnia ŭ dziaržbiudžet srodkaŭ ad prodažu hetaha budynka. «Fart-Plus» — heta kampanija, ź jakimi pradprymalniki zaklučali dahavory dolevaha budaŭnictva.
Mnohija źviazvajuć sakret pośpiechu «Tapasa» z Alaksandram Biełym i jaho synam Paŭłam. Bieły-małodšy hulaje ŭ zbornaj kiraŭnika Biełarusi pa chakiei ŭ adnym źvianie z Alaksandram Łukašenkam i źjaŭlajecca adnym z najlepšych bambardziraŭ kamandy. Za apošni čas «Tapas» vybiŭsia ŭ bujnyja zabudoŭščyki Minska.
Sumu ŭhody baki nie raskryvajuć. Pavodle acenak ekśpiertaŭ, havorka idzie pra sumu kala 15 młn dalaraŭ. Uvieś kompleks moža abyścisia ŭ 50 młn dalaraŭ. Zhodna z rasparadžeńniem Łukašenki, abjekty pavinny być pradadzienyja pa rynkavym košcie. «Tapas» atrymaje rasterminoŭku apłaty da 5 hadoŭ.
Inviestary pavinny da lipienia 2019 hoda pravieści madernizacyju budynkaŭ, niekatoryja ź ich buduć źniesienyja i pabudavanyja novyja. U pryvatnaści, «Tapasu» nieabchodna ŭźvieści na praciahu 4 hadoŭ šmatuzroŭnievuju parkoŭku z ubudavanymi pamiaškańniami hramadskaha pryznačeńnia. «Daručeńnie kiraŭnika dziaržavy zrazumiełaje — terytoryja ŭ centry Minska pavinna być dahledžanaj i sučasnaj», — skazaŭ profilny čynoŭnik.
