Łukašenka padpisaŭ pakiet dakumientaŭ pa raźvićci jeŭrazijskaj intehracyi
Alaksandr Łukašenka padpisaŭ pakiet dakumientaŭ, jakija datyčacca raźvićcia jeŭrazijskaj intehracyi, paviedamili ŭ pres-słužbie biełaruskaha lidara.
Jon uklučaje ŭ siabie damovu ab Mytnym kodeksie JEAES, normy jakoha nakiravanyja na dalejšaje pahłybleńnie intehracyjnych pracesaŭ i rost abjomaŭ handlu pamiž Jeŭrazijskim ekanamičnym sajuzam i suśvietnaj supolnaściu.
Padpisanyja dakumienty taksama datyčacca mižnarodnaj dziejnaści, uklučajučy pačatak pierahavoraŭ ab svabodnym handli ź Iranam, Indyjaj, Sinhapuram, Jehiptam. Akramia taho, heta pytańni adzinaha mytnaha rehulavańnia ŭ JEAES, kaardynacyi transpartnaj palityki, ličbavaha paradku dnia, ahulnych finansavaha i elektraenierhietyčnaha rynkaŭ, handlu pasłuhami.
U cełym pryniaćcie nazvanaha pakieta dakumientaŭ daść mahčymaść Respublicy Biełaruś sistemna adstojvać svaje padychody pa prablemnych pytańniach funkcyjanavańnia Jeŭrazijskaha ekanamičnaha sajuza.
