Pasažyraŭ ciahnika Minsk—Vilnia časova buduć nadhladać u Minsku
Supracoŭniki Minskaj rehijanalnaj mytni i atrada pahraničnaha kantrolu «Minsk» 12 krasavika praviali ŭ testavym režymie apieracyi pamiežnaha i mytnaha kantrolu pasažyraŭ ciahnika Minsk — Vilnia nie na miažy, a ŭ stalicy.
Jak paviedamiła ahienctvu «Minsk-Naviny» inśpiektar adździeła ideałahičnaj raboty Minskaj rehijanalnaj mytni Taćciana Lińnik, pravierka była vykananaja za 45 chvilin da adpraŭleńnia sastavu. Mytny i pamiežny kantrol u dačynieńni da hramadzian i tavaraŭ, jakija pieramiaščajucca imi, pravodziŭsia na stancyi Minsk-Pasažyrski. Tak što hety ciahnik nie spyniaŭsia na stancyjach Maładziečna i «Hudahaj» dla ažyćciaŭleńnia mytnych farmalnaściaŭ.
Uviečary 12 krasavika pa prybyćci ciahnika Vilnia — Minsk nazad słužbovyja asoby praviaduć mytny kantrol na stancyi Minsk-Pasažyrski.
Meta dadzienaha ekśpierymientu — pošuk aptymalnych varyjantaŭ mytnaha i pamiežnaha kantrolu ŭ ciahnikach mižnarodnych linij.
