Aleh Chusajenaŭ abjadnaŭ «Aŭtamalinaŭku» i «Aŭtaabjavy Tut Baj»
«Zubr Kapitał» paviedamiŭ ab novaj uhodzie ŭ ramkach fondu Zubr Capital Fund I, piša Myfin.by. Kampanija nabyła błakavalny pakiet akcyj sajta aŭtamabilnych abjaŭ av.by — «Aŭtamalinaŭka», złučyŭšy jaho z anałahičnym sajtam a.tut.by — «Aŭtaabjavy Tut Baj».
Aleh Chusajenaŭ, hiendyrektar inviestycyjnaj kampanii «Zubr Kapitał»
U vyniku źlićcia dvuch partałaŭ aŭtaabjaŭ zachavajecca tolki brend av.by. Jon budzie ŭzmocnieny kamandaj i technałohijami a.tut.by.
Ułaśnikami novaj abjadnanaj kampanii stali Zubr Capital Fund I i partniory, «Tut Baj Miedyja» i zasnavalniki av.by — siamja Zajcavych.
Hiendyrektaram av.by vystupaje Dźmitryj Hiaranin. Jon maje 8-hadovy dośvied u rasijskich i mižnarodnych anłajn-prajektach.
Jak infarmuje «Zubr Kapitał», aŭdytoryja av.by na siońnia — bolš za 360 tysiač unikalnych karystalnikaŭ u miesiac. Paśla abjadnańnia z a.tut.by ličba pavinna vyraści na 10 pracentaŭ.
Kala 60 tysiač čałaviek u miesiac aktyŭna karystajucca mabilnym dadatkam av.by. Pavodle acenak, tut u vyniku źlićcia aŭdytoryja pavialičycca ŭ 1,5 razu.
