U vioscy pad Tałačynom na kožnaha abanienta prypadaje 31 hihabajt mabilnaha trafiku
Mabilny apieratar velcom skłaŭ rejtynh samych «havarkich» i internet-aktyŭnych viosak Biełarusi. U trojcy lidaraŭ — nasielenyja punkty Viciebskaj vobłaści, paviedamili ŭ pres-słužbie velcom.
Samaj «havarkoj» u Biełarusi akazałasia vioska Sirocina ŭ Šumilinskim rajonie. U siarednim tut razmaŭlajuć pa telefonie 918 chvilin (ci 15 hadzin) u miesiac. Śledam iduć jašče dva nasielenyja punkty Viciebskaj vobłaści — tak, žychary Leśnikova u Sieńnienskim rajonie prahavorvajuć 680 chvilin u miesiac, a ŭ vioscy Začernia ŭ Loźnienskim rajonie — 607 chvilin. Lubiać pahutaryć pa telefonie i žychary vioski Mašavoje ŭ Kaściukovickim rajonie (Mahiloŭskaja vobłaść) — u siarednim pa 487 chvilin u miesiac. Zamykaje piaciorku pasiołak Makrany ŭ Małaryckim rajonie (Brescki rehijon) z 449 chvilinami na abanienta.
U rejtynhu internet-aktyŭnych taksama lidzirujuć vioski Viciebskaha rehijonu. Uznačalili śpis Voŭkavičy ŭ Tałačynskim rajonie, dzie na kožnaha abanienta prypadaje zvyš za 31 Hbajt data-trafiku. Druhoje miesca zaniała vioska Boŭkały ŭ Šarkaŭščynskim rajonie, dzie vykarystoŭvajuć pa 18 Hb mabilnaha internetu. Šmat trafiku (pa 15,5 Hbajt) spažyvajuć i ŭ vioscy Zaharanki, što ŭ Kruhlanskim rajonie (Mahiloŭskaja vobłaść). Za joj iduć Stryžava ŭ Biešankovickim rajonie z 13 Hbajtami na abanienta, a na piatym miescy akazałasia Jaśkaŭščyna ŭ Loźnienskim rajonie, dzie raschodujuć pa 8 Hbajt (abodva — u Viciebskim rehijonie).
