Suśvietny bank abmiarkoŭvaje ź Biełaruśsiu dzieviać prahram na miljard dalaraŭ
Usie prahramy Suśvietnaha banka realizujucca ŭ Biełarusi vielmi jakasna, zajaviŭ staršy vice-prezident Suśvietnaha banka pa apieracyjnych pytańniach Kajł Piters na sustrečy z Alaksandram Łukašenkam.
Hość adznačyŭ, što, znachodziačysia ŭ Biełarusi, zmoh ubačyć, jak «budujucca prahramy, jakija Suśvietny bank realizuje». «Usie prahramy realizujucca vielmi jakasna», — padkreśliŭ jon.
«Moj ciapierašni vizit taksama źviazany z raźvićciom i śćviardžeńniem novaj krainavaj prahramy dla Biełarusi na nastupnyja try-čatyry hady», — paviedamiŭ Kajł Piters. Starejšy vice-prezident Suśvietnaha banka dadaŭ, što zaraz na paradku dnia dzieviać prahram ahulnaj sumaj kala $ 1 młrd. Jany datyčacca infrastruktury, vodazabieśpiačeńnia, enierhietyki, transpartnaj śfiery, pačynajecca supracoŭnictva ŭ halinie adukacyi.
