Cmiarotny masaž: u Hrodnie 88-hadovaja žančyna pamierła paśla pracedury
U Hrodnie piensijanierka 1928 hoda naradžeńnia praz uzrost mieła patrebu ŭ masažnych pracedurach i stała šukać prydatnaha śpiecyjalista. Znajšła mužčynu. Toj nie mieŭ adpaviednaj licenzii, adnak pravioŭ masaž i praceduru lačebnaj himnastyki.
Paśla hetych manipulacyj žančyna adčuła siabie značna horš, trapiła ŭ špital i nieŭzabavie pamierła.
Pa zaklučeńni sudmiedekśpierta, joj byli pryčynieny ciažkija cialesnyja paškodžańni (a mienavita niekalki zakrytych pierałomaŭ), jakija i pryviali da trahičnaha vyniku.
U dačynieńni da 37-hadovaha miascovaha žychara raspačata kryminalnaja sprava. Jaho vinavaciać u niezakonnaj doktarskaj dziejnaści, jakaja pryviała da śmierci čałavieka. Ciapier masažystu pahražaje da siami hadoŭ pazbaŭleńnia voli, paviedamlaje pres-słužba UUS Hrodzienskaha harvykankama.