Alena Anisim zaklikała hienprakurora pakarać vinavatych u źbićci Alesia Łahvinca
Deputat Pałaty pradstaŭnikoŭ Alena Anisim nakiravała zvarot hienieralnamu prakuroru A. Kaniuku ŭ spravie žorstkaha zatrymańnia i źbićcia palityka Alesia Łahvinca. List źmieščany ŭ fejsbuku Anisim.
Aleś Łahviniec byŭ žorstka zatrymany ŭ Minsku ŭ čaćvier i źbity. U jaho dyjahnastavany čerapna-mazhavaja traŭma, strasieńnie i złamany nos. Z suda Łahvinca advieźli ŭ balnicu.
«23 sakavika 2017 h. u Maskoŭskim rajonie h. Minska byŭ zatrymany siabra Sakrataryjata HA «Tavarystva biełaruskaj movy imia Franciška Skaryny», viadomy palitołah i hramadski dziajač Aleś Łahviniec. Padčas zatrymańnia jaho mocna źbivali, u vyniku čaho byli naniesieny šmatlikija paškodžańni, što zapatrabavała nieabchodnaść vykliku chutkaj dapamohi niepasredna ŭ budynak suda», — havorycca ŭ zvarocie
«U suviazi z hetym faktam nieapraŭdanaha prymianieńnia fizičnaj siły, bo zatrymany nie akazvaŭ supraciŭleńnia, prašu Vas nieadkładna pačać prakurorskuju pravierku ŭ adnosinach da dziejańniaŭ asob, jakija pravodzili zatrymańnie Alesia Łahvinca. Na maju dumku, takija dziejańni padlahajuć pryciahnieńniu nie prosta da administracyjnaj, ale kryminalnaj adkaznaści», — napisała Alena Anisim.