«U aŭtobus, pavieźli ŭ les». Łukašenka patłumačyŭ, jak zabiaśpiečvać ludziej pracaj
«Heta prosta pierad ludźmi soramna, što jany nie atrymlivajuć niaščasnuju tysiaču».
Dapamahčy ludziam znajści pracu i zabiaśpiečyć uzrovień zarabotnaj płaty ŭ tysiaču rubloŭ daručyŭ Alaksandr Łukašenka, naviedvajučy 24 sakavika z rabočaj pajezdkaj Hrodzienskuju vobłaść, paviedamlaje telekanał STV.
Hladzieć z 1:40
«Kali ja kazaŭ, što da 1 maja treba, kab usie pracavali, ja mieŭ na ŭvazie, što vy pavinny im prapanavać pracu. I kali jon nie choča pracu, značyć u śpisy jaho. Značyć jaho ŭ śpisy, potym budziem vyznačacca, što rabić ź im. Heta nie značyć, što my da 1 maja stvorym novyja pracoŭnyja miescy na naftapierapracoŭcy abo «Hrodna Azot» novy kambinat. Voś toje, što ja abmiarkoŭvaŭ. Nie, my nikoli hetaha nie zrobim. Ale ja prosta vas varušu, kab vy ludziam prapanavali pravilna. I ŭ vioscy siońnia šmat pracy.
Aŭtobus, bryhada, pavieźli, zahadzia ŭ vas pavinny być abjomy, u vas jość ludzi, treba na heta skancentravać ludziej, kab jany źbirali sustrečna abjomy rabot. Voś abjomy rabot. Pryjechali, jak ja kazaŭ, u Minsku, try placoŭki, dzieviać placovak, ludzi pryjšli za pracaj. U aŭtobus, pavieźli ŭ les. Dzień papracavali, vy ich nakarmili. Pryhatujcie misku supu dla ludziej, dajcie im pierakusić, pryvieźli dadomu. Piać dzion adpracavali, dva dni adpačyvajem. Voś vaša zarpłata.
Heta prosta pierad ludźmi soramna, što jany nie atrymlivajuć niaščasnuju tysiaču. Nie, heta budzie dobraja zarpłata — tysiača. Ale nam treba jaje atrymać. Nam treba ludziam hetuju zarpłatu, kab jana pa krainie była siaredniaja. Hrodna pavinna 500 abaviazkova mieć dalaraŭ, abo tysiaču rubloŭ. A Minsk trošački zaŭsiody bolš. Moža, niechta 490 budzie mieć. Ale heta nie vam 490. Tamu, kroŭ z nosa, treba. Što tady ludziam kazać?»
