Biełaruskija navukoŭcy raspracavali test, jaki dapamoža najbolš efiektyŭna kinuć kuryć
Biełaruskija navukoŭcy raspracavali test, na padstavie vynikaŭ jakoha śpiecyjalisty aceniać ryzyku raźvićcia raku lohkaha, a taksama parajać kurcam najbolš efiektyŭny mietad admovy ad nikacinavaj zaležnaści.
Novy test možna prajści ŭ RNPC ankałohii i miedycynskaj radyjałohii im. N.N. Alaksandrava ŭžo siońnia, paviedamili ahienctvu «Minsk-Naviny» va ŭstanovie achovy zdaroŭja.
«Prapanavany nami hienietyčny test raspracavany na asnovie sintezu daśledavańniaŭ troch zamiežnych hrup, — tłumačyć zahadčyk adździaleńnia bijačypavych technałohij, urač łabaratornaj dyjahnostyki RNPC ankałohii i miedycynskaj radyjałohii im. N.N. Alaksandrava Andrej Babienka. — Padobnyja mietodyki ŭžo šyroka zapatrabavanyja na Zachadzie ŭ tych, chto choča rasstacca sa škodnaj zvyčkaj. My ŭziali najlepšaje z dośviedu zamiežnych kaleh i stvaryli prymalnuju dla biełarusaŭ dyjahnastyčnuju panel».
Test dastupny pa canie i vielmi prosty dla pacyjenta: dastatkova vatnaj pałačkaj niekalki razoŭ pravieści pa ŭnutranym baku ščaki, kab zdać uzor epitelija na analiz. Dalej užyvajecca standartnaja polimieraznaja łancuhovaja reakcyja ŭ režymie realnaha času.
Vyniki padobnaha testu mohuć dapamahčy daktaram-narkołaham i daktaram-psichijatram padabrać najbolš efiektyŭny dla pacyjenta sposab pazbavicca ad zaležnaści. Šyroka raspaŭsiudžanaje ŭ pryvatnych klinikach kadavańnie daloka nie va ŭsich vypadkach moža akazacca dziejsnym. Jość kurcy, jakim patrabujecca miedykamientoznaja padtrymka ŭ vyhladzie tabletak, płastyraŭ, injekcyj i inš. Inšyja majuć patrebu pierš za ŭsio ŭ psichałahičnaj dapamozie. Hienietyčny test dazvolić taksama acanić dadatkovuju ryzyku raźvićcia raku, jakuju niasie siabroŭstva z cyharetaj i navat pasiŭnaje kureńnie.
«My abśledavali 100 supracoŭnikaŭ našaha RNPC, — raspavioŭ Andrej Babienka. — I niekatoryja, u tym liku i z našaj łabaratoryi, paśla praviadzieńnia testu i vyjaŭleńnia vysokaj ankałahičnaj ryzyki raźvitalisia z škodnaj zvyčkaj».
Z časam navukoŭcy płanujuć hienietyčny test dapracavać i ŭžyvać dla baraćby z ałkaholnaj zaležnaściu.
