U Minsku źjaviŭsia pieršy «abmieńnik» biez kasira, jaki vydaje maniety
U adnym z adździaleńniaŭ Biełarusbanka ŭ Minsku źjaviŭsia valutna-abmienny terminał, jaki vydaje nie tolki banknoty, ale i maniety. Dla hetaha pryłada maje nie tolki dyśpiensier dla kupiur, ale i chopier dla vydačy maniet.
Praz terminał možna samastojna abmianiać dalary, jeŭra i rasijskija rubli na najaŭnyja biełaruskija rubli. Pakul što adziny ŭ Biełarusi padobny valutna-abmienny terminał ustalavali ŭ adździaleńni Biełarusbanka ŭ handlovym centry «Stalica».
«Dla zručnaści vykarystańnia terminała na ekranie pryłady adlustroŭvajucca biahučyja kursy valut, ustanoŭlenyja bankam, i naminały dazvolenych da pryjomu kupiur. Płata za praviadzieńnie apieracyi abmienu valut nie spahaniajecca. Pa svajoj sutnaści praviadzieńnie apieracyi ŭ dadzienaj pryładzie padobna z vykarystańniem bankamata albo infakijoska z funkcyjaj pryjomu najaŭnych hrašovych srodkaŭ», — udakładniajuć u banku.