Samotnaha japonca zavaliła pornačasopisami — jon pamior
Samotny japoniec pamior paśla taho, jak na jaho zvaliŭsia stos pornačasopisaŭ, paviedamlaje Daily Mail.
Cieła 50-hadovaha Dziodzi (Joji) było znojdziena tolki praz paŭhoda, kali haspadar kvatery pryjšoŭ pravieryć, čamu mužčyna nie płacić za arendu.
Supracoŭniki klininhavaj kampanii, jakich naniali, kab vynieści z kvatery pornačasopisy, raspaviali, što ŭsiaho ich było kala šaści ton: časopisami byŭ zapoŭnieny litaralna kožny kutok pamiaškańnia. Adzin z prybiralščykaŭ taksama paviedamiŭ, što pakul niezrazumieła, ci nastupiła śmierć adrazu ci praź niekatory čas paśla taho, jak japonca prycisnuła časopisami.
Lenta.ru nahadvaje, što ŭ śniežni minułaha hoda japonskaja kampanija Vinclu pačała prymać papiarednija zamovy na Gatebox — aparat, jaki dazvalaje zavieści «hałahrafičnuju žonku». Pryłada ŭjaŭlaje saboj kampjuternuju sistemu i prajektar, jaki demanstruje virtualnuju dziaŭčynu na imia Azuma Chikary. Jana moža padtrymlivać dyjałoh sa svaim haspadarom, pisać jamu paviedamleńni, budzić ranicaj, a taksama kiravać sistemami aśviatleńnia, aciapleńnia i niekatoraj bytavoj technikaj u domie.
Fota: Gatebox
