Advakaty 1 sakavika biaspłatna prakansultujuć pa dekrecie №3
Biełaruskija advakaty 1 sakavika praviaduć akcyju, padčas jakoj buduć prymać hramadzian dla akazańnia im biaspłatnaj jurydyčnaj dapamohi pa pytańniach, źviazanych z realizacyjaj dekreta №3 «Ab papiaredžańni sacyjalnaha ŭtrymanstva». Pra heta paviedamiŭ BIEŁTA staršynia Respublikanskaj kalehii advakataŭ, člen Savieta Respubliki Viktar Čajčyc.
Jon adznačyŭ, što ŭ ciapierašni čas adpracavany dakładny miechanizm dla vyrašeńnia pytańnia pa vyzvaleńni ad vypłaty zboru na finansavańnie dziaržaŭnych raschodaŭ tych hramadzian, jakija nie pavinny jaho płacić abo ŭ siłu peŭnych akaličnaściaŭ mohuć być vyzvalenyja ad vypłaty. Adnak na miescach pytańnie nie zaŭsiody vyrašajecca pravilna i svoječasova.
Pakolki pa-raniejšamu ŭźnikajuć pytańni pa realizacyi dekreta №3, advakaty Biełarusi praviaduć kansultavańnie, dapamohuć u składańni zajaŭ ab vyzvaleńni ad vypłaty zboru na finansavańnie dziaržvydatkaŭ u suviazi sa znachodžańniem u ciažkaj žyćciovaj situacyi.