Kudy pajści ŭ Minsku. Lekcyja «Abrad viasiella. Praktyka inicyjacyj ŭ tradycyjnaj kultury»
27 lutaha, 19:00
Udzieł płatny: 4 rub.
Prastora «CECH», Kastryčnickaja 16
Z staradaŭnich časoŭ u roznych kulturach śvietu, u tym liku i biełaruskaj, składvalisia kompleksy dziejańniaŭ i praktyk, jakija dapamahali čałavieku pierajści z adnaho stanu ŭ inšy, adznačali zakančeńnie adnaho etapa i pačatak druhoha (uzrostavaha, sacyjalnaha, prafiesijnaha), spryjali adaptacyi, «prahramavali» na hodnuju adpaviednaść žyćcia ŭ novym statusie.
Pierachodnyja pieryjady ŭ psichałohii źviazvajuć z kryzisami, a ŭ tradycyi z rytuałami pierachodu, ci, inicyjacyjami. Tradycyjny viasielny abrad taksama možna adnieści da pierachodnaha, bo jon zabiaśpiečvaŭ «pieraradžeńnie» u inšy sacyjalny status i pierachod na novy etap žyćcia.
Źniknuŭšy z paŭsiadzionnaha žyćcia, abrady pierachodu, dakładniej, ichniaja sutnaść pačała praktykavacca ŭ psichaterapii.
Dla čaho patrebny abrady pierachodu, jak jany na nas ŭździejničajuć, u čym tut asablivaści biełaruskaha viasielnaha abradu, — pasprabujem razabracca na sustrečy.
Viadučaja lekcyi Julija Hahulina, jak kulturołah i praktyk, zajmajecca vyvučeńniem tradycyjnaj kultury, ramiostvami, śpievami (udzielnica fołk-avanhard hurta ULA) i sprobami adaptacyi narodnaj kultury da haradskoha žyćcia.
Vyvučeńnie svajoj tradycyjnaj kultury VAŽNA, tamu što heta:
— dapamahaje raźvivać miascovuju SUČASNUJU kulturu (nie kapiravać, nie pierajmać, a stvarać novyja niepaŭtornyja tvory),
— daje patrebnuju bazu, kab lepiej razumieć navakolny śviet,
— znajomić nas z aryhinalnymi, žyvymi, miascovymi kulturnymi adzinkami (pieśniami, tvorami mastactva dy inš.), jakija byli «raspracavanyja» jašče zadoŭha da taho, jak byli ŭtvoranyja słovazłučeńni Respublika Biełaruś ci Złučanyja Štaty Amieryki.
