Śledčy kamitet prosić hramadzian pravieryć kupiury naminałam 20 rubloŭ
Frunzienskim (h. Minska) rajonnym adździełam Śledčaha kamiteta raspačata kryminalnaja sprava ŭ dačynieńni da dvuch mužčyn, što padazrajucca ŭ vyrabie i zbycie padroblenych biełaruskich rubloŭ, piša pres-słužba SK.
sb.by
Padstavaj dla zaviadzieńnia pasłužyli materyjały pravierki, praviedzienaj supracoŭnikami UBEP HUUS Minharvykankama.
Ustanoŭlena, što padazravanyja 1991 i 1989 hadoŭ naradžeńnia, sa studzienia pa luty vyrabili z metaj zbytu kala 200 adzinak padrobnych hrašovych znakaŭ naminałam 20 biełaruskich rubloŭ uzoru 2009 hoda ź sieryjnym numaram «SK 8387976».
Padroblenyja kupiury zdavalisia ŭ arhanizacyjach handlu, maršrutnych taksi, kijoskach KUP «Minsktrans» i inšych arhanizacyjach z metaj raźmienu, šlacham nabyćcia niedarahich tavaraŭ.
Padazravanyja zatrymanyja.
Padčas papiaredniaha rasśledavańnia śledčymi sumiesna z supracoŭnikami milicyi častka padrobnych hrašovych znakaŭ kanfiskavana.
Śledstva miarkuje, što ŭ abarocie mohuć jašče znachodzicca padroblenyja kupiury naminałam 20 rubloŭ uzoru 2009 hoda ź sieryjnym numaram «SK 8387976».
U suviazi z hetym śledstva źviartajecca da hramadzian z prośbaj źvieryć numary hrašovych znakaŭ.
U vypadku supadzieńnia sieryjnaha numara nieabchodna źviarnucca pa telefonach: 8 (017) 252-02-02, 8 (017) 256- 14-34.