«Mova Nanova» stvaraje Kłub fundataraŭ kursaŭ
Dla ŭstupleńnia ŭ Kłub dastatkova štomiesiac achviaroŭvać sa svajoj kartki lubuju sumu.
Fota movananova.by
«Siabry! Kursy «Mova Nanova» majuć patrebu ŭ vašaj padtrymcy, — źviartajucca arhanizatary. — I nie razavaj, a stałaj — u lubym pamiery, jaki dla vas kamfortny. Z hetaj metaj my idziom na ekśpierymient — abviaščajem «padpisku» na dapamohu ŭ dziejnaści našych kursaŭ. Heta značyć, što vy dajacie zhodu, kab z vašaj kartki štomiesiac aŭtamatyčna śpisvali na naš rachunak sumu, jakuju vy achviarujecie, — 1, 5, 10 ci kolki zaŭhodna rubloŭ.
Heta dazvolić kursam dziejničać dalej i raźvivacca, adkryvać adździaleńni ŭ novych haradach. Usio heta vymahaje srodkaŭ — dzie-nidzie arenda pamiaškańnia, nabyćcio prajektara, ekrana, kanctavaraŭ i h.d.
Takaja padpiska raspaŭsiudžanaja va ŭsim śviecie, a ciapier, dziakujučy płatformie «Tałaka», dasiažnaja i ŭ Biełarusi. Heta važny krok dla nas, kab zrazumieć, kolki ludziej hatovyja padtrymać kursy nie na słovach, a na spravie».