Biełaruski dobraachvotnik va Ukrainie: «Paśla rasijskich telešou da nas pajšło papaŭnieńnie»
U kancy 2016 hoda, kali Maskva aktyvizavała infarmacyjnuju vajnu suprać Biełarusi, da biełaruskich dobraachvotnikaŭ, jakija vajujuć na baku ŭkrainskaj armii, stała dałučacca bolš ludziej, raspavioŭ Jan Mielnikaŭ, bajec Taktyčnaj Hrupy «Biełaruś».
«Patok ludziej pavialičyŭsia paśla hučnych zajaŭ z boku Rasii, kali na bujnych telešou abmiarkoŭvajuć takija pytańni, jak «ci patrebnaja pad bokam Rasii niezaležnaja Biełaruś», što «Łukašenka dziejničaje ŭ intaresach Zachadu», što «biełaruskaja mova — vydumanaja». Pačynajecca toje, što było pierad napadam na Hruziju, Ukrainu. I ludzi paciahnulisia», — raspavioŭ biełaruski žaŭnier u intervju Delfi.
«Mnohija pišuć nam… My ich maksimalna praviarajem. Luboha achvotnaha my nie prymajem. Kab prymali, to mahli b zaraz kazać pra biełaruski bataljon», — dadaŭ Jan.
Jan Mielnikaŭ ciapier naviedvaje krainy ES ad imia biełaruskaha padraździaleńnia.
Płanujucca sustrečy ź im ŭ Vilni, Biełastoku, Varšavie, Antvierpenie, Rymie, Miunchienie. Meta pajezdki — naładžvańnie supracy z dyjasparaj i zbor dapamohi dla Taktyčnaj Hrupy «Biełaruś», paviedamlaje supołka padraździaleńnia.
