Ankołah: Na ŭkaranieńnie pa ŭsioj Biełarusi prahram pa skryninhu raku moža spatrebicca da 20 hadoŭ
Na ŭkaranieńnie pa ŭsioj Biełarusi prahram pa skryninhu raku moža spatrebicca da 20 hadoŭ, paviedamiŭ 1 lutaha namieśnik dyrektara RNPC ankałohii i miedycynskaj radyjałohii imia Alaksandrava pa navukovaj rabocie Siarhiej Krasny.
Pavodle jaho słoŭ, paŭsiudna adnamomantna heta zrabić niemahčyma pa mnohich pryčynach, niahledziačy na toje što na praviadzieńnie hetych mierapryjemstvaŭ vydzieleny «vielmi značnyja srodki».
«Pa vopytu inšych krain, na toje, kab uklučyć u skryninhavyja mierapryjemstvy ŭsio nasielnictva, patrabujecca ad 10 da 20 hadoŭ, — adznačyŭ prafiesar. — My pastarajemsia zrabić heta jak maha chutčej, ale jašče raz padkreślu, što heta praces pastupovy, jaki pačynajecca z bujnych haradoŭ, dzie bolš padrychtavanyja śpiecyjalisty, nasielnictva i abstalavańnie».
Krasny paviedamiŭ, što ŭžo realizavany piłotnyja skryninhavyja prajekty pa rańniaj dyjahnostycy čatyroch vidaŭ raku: prastaty, małočnaj załozy, šyjki matki, kałarektalnaha. Vyniki atrymany «vielmi dobryja», tamu padprahrama pa skryninhu raku była ŭklučana ŭ dziaržprahramu «Zdaroŭje naroda i demahrafičnaja biaśpieka Respubliki Biełaruś» na 2016—2020 hady.
«Ad hetaj prahramy my čakajem značnaha źnižeńnia śmiarotnaści pa hetych čatyroch vidach raku, jakija razam składajuć da 35—40% usich złajakasnych puchlin u respublicy», — skazaŭ ankołah i zaklikaŭ nasielnictva ni ŭ jakim razie nie admaŭlacca ad udziełu ŭ skryninhavych prahramach, kali jany buduć prapanavanyja.
Krasny rastłumačyŭ, što kala 20% ludziej va ŭsim śviecie kateharyčna admaŭlajucca ad lubych abśledavańniaŭ — adny ličać siabie zdarovymi, inšyja bajacca vyjaŭleńnia ŭ ich złajakasnaj puchliny. Adnak, padkreśliŭ namieśnik dyrektara RNPC, u vypadku vyjaŭleńnia zachvorvańniaŭ na pieršaj stadyi vylečvańnie składaje ad 97 da 100%.
«Kali ž na niejkaj terytoryi skryninh pakul nie pravodzicca, u nasielnictva ŭsio roŭna jość mahčymaść prajści rańniuju dyjahnostyku, i ŭračy pieršasnaha źviana mohuć heta arhanizavać», — skazaŭ Krasny. U adnych vypadkach heta možna zrabić biaspłatna, u inšych — za nievialikija hrošy. Naprykład analiz kryvi na prastatśpiecyfičny antyhien (markier raku prastaty), jaki mužčynu treba rabić adzin raz u dva hady, kaštuje kala čatyroch-piaci rubloŭ, niedzie krychu bolš.
«Takuju sumu moža sabie dazvolić luby žychar respubliki», — upeŭnieny prafiesar.
Pavodle słoŭ v.a. zahadčyka adździeła arhanizacyi supraćrakavaj baraćby RNPC Alaksieja Akieanava, zachvorvańnie ankałahičnymi patałohijami va ŭsim śviecie, uklučajučy Biełaruś, raście. Pierš za ŭsio heta źviazana z pavieličeńniem praciahłaści žyćcia i palapšeńniem dyjahnostyki. U 2015 hodzie było vyjaŭlena 48.900 novych vypadkaŭ złajakasnych utvareńniaŭ. Pa vynikach 2016 hoda čakajecca kala 50 tys. chvorych. Usiaho na ŭliku na kaniec 2015 hoda znachodziłasia 268.511 čałaviek, ź ich bolš za piać hadoŭ nazirajucca 136.436.
