Lidary ultrapravych partyj Jeŭropy sustrelisia ŭ Koblency
Lidarka francuzskaha «Nacyjanalnaha frontu» Maryn Le Pien zajaviła na schodzie pravych palitykaŭ u Hiermanii, što palitykaj budučyni budzie patryjatyzm, piša VVS.
Getty
Kandydatka ŭ prezidenty Francyi pradkazvaje, što vybarščyki ŭ Francyi, Hiermanii i Niderłandach voźmuć prykład z žycharoŭ ZŠA i Brytanii i adkinuć palityčny isteblišment.
Pavodle jaje słoŭ, u 2016 hodzie «abudzilisia anhłasaksonskija krainy», a 2017 hod «budzie hodam abudžeńnia žycharoŭ kantynientalnaj Jeŭropy».
Ź jaje kamientarami pahadziŭsia hałandski palityk Hiert Viłders.
«Učora novaja Amieryka. Siońnia novaja Jeŭropa», — zajaviŭ lidar Partyi svabody, jakaja vystupaje suprać imihracyi, na adkryćci schodu ŭ horadzie Koblenc u Hiermanii.
I Viłders, i Lo Pen vysoka acanili kancepcyju patryjatyzmu.
«Zachodnija ludzi pračynajucca. Jany skidajuć jarmo palitkarektnaści», — zajaviŭ hałandziec.
Lo Pen pierakananaja, što rašeńnie brytancaŭ pakinuć Jeŭrasajuz u minułym hodzie spravakuje efiekt damino pa ŭsim ES.
«My pieražyvajem viartańnie nacyjanalnych dziaržaŭ», — skazała jana.
Jana taksama raskrytykavała mihracyjnuju palityku kanclera Hiermanii Anhieły Mierkiel, u vyniku jakoj miljony biežancaŭ apynulisia ŭ Jeŭropie, jak «štodzionnuju katastrofu».
