Łasoś padaražeje praź vielmi rezkaje skaračeńnie papulacyi
U bližejšy čas ceny na čyrvonuju rybu mohuć vyraści praz samaje mocnaje za apošnija 25 hadoŭ skaračeńnie papulacyi łasosia, piša Financial Times.
Źnižeńnie papulacyi źviazanaje z masavym zachvorvańniem ryby ŭ roznych častkach śvietu. U pieršaj pałovie 2016 hoda rybnyja haspadarki ŭ Čyli (asnoŭny kankurent narviežskamu łasosiu) paciarpieli ad taksičnych vodaraściaŭ, i ceny dasiahnuli 30-hadovaha maksimumu — 61,64 narviežskaj krony za kiłahram ($7,15).
U Narviehii i Šatłandyi ryba paciarpieła ad epidemii marskich vošaj. U vyniku vytvorčaść łasosia skaraciłasia na 8,7% — da 2,1 miljona ton. Heta, pa słovach ekśpiertaŭ, pryviadzie da taho, što kramy i restarany buduć vymušanyja albo padniać ceny, albo pamienšyć pamier porcyj, albo ž zamianiać łasoś na inšyja vidy ryby, naprykład trasku ci farel.
Čakajecca, što ŭ novym hodzie łasoś u Biełarusi padaražeje — cana kiłahrama pieravysić 50 rubloŭ (file). Ciapier achałodžanaje file łasosia kaštuje 49,9 rubla za kiłahram, a sucelnaja tuška — 34,9 rubla.