U Hrodnie słužbovyja asoby padazrajucca ŭ kradziažy hrašovych srodkaŭ u asabliva bujnym pamiery
Upraŭleńniem Śledčaha kamiteta pa Hrodzienskaj vobłaści na padstavie materyjałaŭ pravierki, praviedzienaj upraŭleńniem pa baraćbie z ekanamičnymi złačynstvami UUS Hrodzienskaha abłvykankama, raspačata kryminalnaja sprava ŭ dačynieńni da słužbovaj asoby AAT «Hrodzienski miasakambinat» i kiraŭnika pryvatnaha handlovaha ŭnitarnaha pradpryjemstva Hrodna pa fakcie kradziažu šlacham złoŭžyvańnia słužbovymi paŭnamoctvami, ździejśnienaha ŭ asabliva bujnym pamiery (č. 4 art. 210 Kryminalnaha kodeksa Respubliki Biełaruś), paviedamlaje pres-słužba Śledčaha kamiteta.
Jany padazrajucca ŭ tym, što z 2013 pa 2016 hady praz stvoranaje dla kradziažoŭ pryvatnaje handlovaje ŭnitarnaje pradpryjemstva pravodzili zakupku dla patreb miasakambinata pa zaviedama zavyšanych cenach tavarna-materyjalnych kaštoŭnaściaŭ. U vyniku supraćpraŭnych dziejańniaŭ zavałodali hrašovymi srodkami miasakambinata ŭ sumie kala 83 tysiač rubloŭ.
Z sankcyi prakurora da słužbovych asobaŭ prymieniena miera strymańnia ŭ vyhladzie zaklučeńnia pad vartu. U metach zabieśpiačeńnia kampiensacyi naniesienaj škody nakładzieny aryšt na ich majomaść, u tym liku na nieruchomaść i aŭtatranspartnyja srodki.
U metach ŭstanaŭleńnia faktyčnych abstavinaŭ ździajśnieńnia złačynstva na abodvuch pradpryjemstvach zapłanavana praviadzieńnie finansavych pravierak, kanfiskavana i vyvučajecca finansava-haspadarčaja i dahavornaja dakumientacyja, dapytvajucca kiraŭniki i rabotniki pradpryjemstvaŭ, pravodziacca inšyja śledčyja i pracesualnyja dziejańni.
Rasśledavańnie praciahvajecca.
