U Breście pačynajecca čarhovy masavy sud za pratesty 10 žniŭnia 2020
U sudzie Maskoŭskaha rajona Bresta 10 maja raspačynajecca sud pavodle «narodnaha» artykuła 342 Kryminalnaha kodeksa (aktyŭny ŭdzieł u dziejańniach, jakija hruba parušajuć hramadski paradak) adrazu nad vaśmiu miascovymi žycharami — Mikitam Vajciukom, Vasilom Aleksiejukom, Hlebam Klimovičam, Vitalom Varfałamiejevym, Alaksandram Tysievičam, Julijej Šaronavaj, Mikałajem Nikiciukom i Maksimam Sobalevym, piša «Viasna».
Ich usich abvinavačvajuć va ŭdziele ŭ akcyjach pratestu ŭ 2020 hodzie.
Viadoma, što Alaksandr Tysievič byŭ zatrymany napačatku studzienia hetaha hoda, ź im zapisali videa.
Spravu razhladaje sumnaviadomy sudździa Jaŭhien Brehan, na rachunku jakoha ŭžo minimum 58 asudžanych pa palityčnych kryminalnych spravach.
Čytajcie taksama:
U kałonii i SIZA nie dachodziać bankaŭskija pieravody — sotni płaciažoŭ viarnulisia adpraŭnikam
