Cupracoŭniki zavoda «Bielit» (Pastavy) dziakujuć NN za artykuł, u vyniku jakoha ŭdałosia zachavać pradpryjemstva
U Redakcyju «Našaj Nivy» pryjšoŭ list ad supracoŭnikaŭ zavoda «Bielit», u jakim jany dziakujuć za artykuł pra ich pradpryjemstva, jakoje było pad pahrozaj zakryćcia. Dziakujučy publikacyi ŭdałosia znajści vyjście ź situacyi.
Ahułam list padpisała bolš za 130 rabotnikaŭ zavoda.
«Pavažanaja redakcyja!
Kalektyŭ rabotnikaŭ UP «Zavod Bielit» (Pastavy, Viciebskaja vobł.) dziakuje vam za aśviatleńnie našaj prablemy na staronkach haziety «Naša Niva» 10 listapada 2016 hoda.
Siońnia my chočam źviarnucca ŭ vašu hazietu nie z prablemaj, a z padziakaj. Kiraŭnictva zavoda na minułym tydni paviedamiła nam, što adšukana vyjście z toj situacyi, jakaja skłałasia. Zasłuha ŭ hetym niepasredna hienieralnaha dyrektara AAT «Kirujučaja kampanija chołdynhu «Haryzont» Predka Juryja Ivanaviča. Mienavita dziakujučy kiraŭniku chołdynhu było znojdziena rašeńnie, jon akazaŭ dapamohu va ŭzajemadziejańni z roznymi dziaržaŭnymi orhanami: ministerstvami, mytnymi orhanami, što dazvoliła sumiesnymi namahańniami znajści pravilnaje rašeńnie. Niahledziačy na toje, što naš zavod źjaŭlajecca adzinym pradpryjemstvam chołdynhu, jakoje znachodzicca ŭ nievialikim horadzie, jon prykłaŭ maksimum namahańniaŭ, kab zachavać jaho, jon nie zastaŭsia abyjakavym da losaŭ prostych ludziej. My z radaściu paviedamlajem, što našaje pradpryjemstva nie zakryjuć u novym hodzie, našyja pracoŭnyja miescy zachavany, a značyć, u nas budzie mahčymaść pracavać i atrymlivać zarobak, što vielmi kaštoŭna ŭ našy dni.
Ad usiaho kalektyvu chočam vykazać słovy ŭdziačnaści Predka Juryju Ivanaviču na staronkach vašaj haziety i ŭ suviazi z nadychodziačymi śviatami pažadać jamu pośpiechaŭ u pracy, zdaroŭja, siamiejnaha dabrabytu».
